BEST WESTERN PLUS Quid Hotel Venice Airport→穆拉諾島(Murano)→布拉諾島(Burano)→聖馬可區(San Marco)→Da Bepi→BEST WESTERN PLUS Quid Hotel Venice Airport
大約５０分鐘，就來到第三個要遊覽的威尼斯島，就是聖馬可區(San Marco)，呢度係最人山人海嘅一個景點，一落遊艇已經見到四周圍都係人，領隊不斷提住叫我哋小心財物，然後經過嘆息橋帶到我哋去聖馬可廣場，講解完一輪就問有邊個團友要買郵票，之後就解散，今次有接近兩小時嘅自由時間呢。
正常我同Ａ牛商量緊由邊度開始嘅時候，有啲團友就問我哋有冇興趣夾份坐貢多拉，雖然我都想，不過Ａ牛話無興趣，唯有拒絕佢哋啦。然後我哋就跟住前往里阿爾托橋(Rialto Bridge)嘅指示牌一路參觀啦。
一路上都係好逼人，真係要非常非常之小心。然後穿過啲横街窄巷時，加上建築物中間的小河道，一幕一幕嘅旅遊照片就出現喺眼 前，我而家真係身在威尼斯？突然間真係覺得好夢幻，就好似置身喺自己嘅幻想世界咁，而家寫遊記更加後悔無爭取坐貢多拉，因為我想信坐住嚟遊覽會更加能夠感 受到威尼斯嘅魅力。
去到里阿爾托橋(Rialto Bridge)，因為有一邊維修緊，影相出嚟無咁壯觀，不過呢條大河道兩邊就算好多人都仍然感受到一絲絲嘅悠閒。
之後我哋沿路返回聖馬可廣場，由於人數太多，我哋都無去排隊入教堂參觀啦，反而想搵一啲Coffee Shop飲杯咖啡嘆下。但一路行到去嘆息橋都未搵到啱心水，影埋幾張相就差唔多走到去近集合點嘅地方，呢個時候只剩返十幾分鐘，本身都想去個洗手間，所以Ａ牛就決定都照喺Coffee Shop飲杯咖啡，ＨＥＡ到最後一刻，然後就集合坐船離開。
返回 意大利十天鴨仔旅 - 行程目錄
坐貢多拉都幾好玩架，一邊遊一邊唱歌好開心架
回覆刪除唔係架架有歌仔唱㗎~~團友坐果架都無~
刪除