Mitsui's Blog

喜歡旅遊、喜歡拍照、喜歡發牢騷,什麼話題也會有的一個部落格。

2016年5月19日 星期四

160329 意大利十天鴨仔旅 Day 5.1

Day 5 行程
AC Hotel Pisa→比薩斜塔(Leaning Tower of Pisa)→聖米尼亞托(San Miniato)→聖吉米尼亞諾(San Gimignano)→Villasanpaolo Spa Hotel San Gimignano

第五天早上起來食個自助早餐又再出發啦,呢度啲早餐款式選擇不算多呢!





今天要去嘅景點係意大利一個好出名嘅地方,比薩斜塔(Leaning Tower of Pisa)。睇相睇得多,接觸嘅都係世界之窗果個縮細版,今日終於可以見到真正嘅斜塔。

斜塔附近無得停泊旅遊巴,要喺遠處一個停車場都行入去,本身有接駁巴士嘅,不過唔知係咪早得濟未開始呢,我哋只好跟住領隊行大約二十分鐘過去啦。













比薩斜塔(Leaning Tower of Pisa)之所以係斜,好似係當年起嘅時候嘅問題,佢仲會每年繼續傾斜,不過領隊話已經搵嘢固定咗,佢唔會再斜㗎啦,不過因為有危險,所以上塔參觀嘅人數都有限制的。跟團嘅我哋應該都好難可以排到上去啦,唯有喺附近行下算,啲建築物都好靚好歐陸㗎!

嚟到比薩斜塔(Leaning Tower of Pisa),當然要玩下影啲托塔相之類,玩玩下仲見到有人著咗芭蕾舞衫嚟影相添。



















差唔多夠鐘就要行返出去間「東方酒樓」度集合,由於又有啲團友遲咗返嚟,領隊就先帶我哋去坐接駁巴士返返去旅遊巴果度,佢自己又再跑返去集合點等埋剩低嘅團友,一個人帶38人真係好唔容易,真心佩服佢!





返到去旅遊巴度,都要等剩低嘅人,我哋就喺旅遊巴附近影下啲特色觀光車。估唔到喺斜塔避開到獨男,竟然會喺呢度比獨男捉住咗,又要幫佢影咗好多張觀光車嘅相。


等齊晒人,就可以出發去下一個景點啦。









返回 意大利十天鴨仔旅 - 行程目錄

沒有留言:

張貼留言

如欲從電郵收取此篇網誌的留言回覆通知,請按「發佈」右則的「通知我」,謝謝!