AC Hotel Pisa→比薩斜塔→聖米尼亞托(San Miniato)→聖吉米尼亞諾(San Gimignano)→Villasanpaolo Spa Hotel San Gimignano
跟住落嚟係呢個團嘅其中一個特色景點，就係採松露。個採松露場係喺聖米尼亞托(San Miniato)入面，旅遊巴去到某個位，園方嘅人就用車帶住我哋個司機駛去，落車之後就見到會幫我哋搵松露嘅狗狗Billy。園方負責人係咁二講講採松露嘅背景同程序，狗狗Billy會聞出松露嘅大約位置，老伯伯就會喺果個位採集（老伯伯唔識英文），同時間會呼喚負責人同我哋過去睇，跟住就係咁開始啦。
起初狗狗有啲興奮，掛住聊我哋玩，都唔專心嘅，負責人就叫我哋離遠一啲，等佢可以專心啲搵。隔咗一陣，佢終於搵到啦，不過好似係錯嘅。跟住再隔一陣，今次係真啦，係一粒好大粒嘅黑松露呢，好似都值二百幾歐羅。大家都要輪住影返張想呢！（因為獨男一直都影得唔滿意，佢一個人都排咗好多轉）
喺大家都以為活動完嘅時候，狗狗Billy又搵到啲嘢啦，今次係細細粒嘅白松露呢！真係一個唔錯嘅體驗，一黑一白都比我哋見識過呢。
採完松露，我哋就坐旅遊巴去一間餐廳，呢餐係松露餐，不過唔係剛才採果啲呢，剛才採果啲係喺因間賣比大家的。松露真係好香，絕對係美食呢！可惜佢係成舊咁賣，自己又唔識處理，睇完就算囉。
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！