AC Hotel Pisa→比薩斜塔→聖米尼亞托(San Miniato)→聖吉米尼亞諾(San Gimignano)→Villasanpaolo Spa Hotel San Gimignano
今晚入住嘅Villasanpaolo Spa Hotel San Gimignano就喺聖吉米尼亞諾(San Gimignano)古城嘅不遠處，好眼力啲嘅應該可以望返過去。呢一晚嘅酒店應該係成個旅程最正嘅，雖然之後有五星酒店，但質素同環境，好多團友都覺得呢間真係掂。
房間空間本身都大，二樓嘅住客有自己嘅露台，而一樓嘅主客向內園就有個共用嘅花園仔，向外面嘅都係私家露台，而我哋Ａ牛就分配咗去內遠嘅一樓，如果同其他團友熟啲嘅話，夜晚開個小酒會談下心都唔錯。
休息咗一陣我哋就喺酒店範圍周圍參觀下，本來喺等分房果時都可以欣賞下嘅，不過果時我又比獨男捉咗去影相，又一張變六張，如果唔係領隊開始派房，我仲有排比佢捉住。
今晚晚餐都係由酒店提供，呢餐都好味嘅，上菜速度都ＯＫ，所以大部人都食完晒先走。
今晚天色唔錯，而且四周又空曠，真係一個影星嘅好機會，設定好腳架自己影星軌就去執下嘢，順便食埋頭先喺超市買嘅士多啤梨，沖晒涼就係時間收返部相機入嚟！
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！