Starhotels Du Parc→拉士碧芝區(La Spezia)→Vernazza→Monterosso(Church of Saint John Baptist, Ristorante Al Pozzo)→Manarola→AC Hotel Pisa(Esselunga S.p.A.)
第四天都係一個煙霧迷漫嘅早上，在酒店食個自助早餐就要去鄉郊地區，因為今日主要都係坐火車，所以有咩隨身物品都要執好佢。
由酒店開始大約坐個半鐘旅遊巴去到拉士碧芝區(La Spezia)嘅火車總站，沿路愈嚟愈迷幻，都唔知係霧定係雨水了，總之就係一落車就要開遮了。火車站都好多，不過我哋個領隊就好搶眼，外套同遮都係紅色的，有幾日佢好似仲係著紅色褲呢！
跟住佢去到月台，喺佢等緊拉士碧芝區(La Spezia)嘅當地導遊時，我哋就要排隊去廁所，重新集合返啲人就係時候等火車嚟啦。（呢個時候男果個小朋友實在太唔舒服，佢同佢媽媽就係車站間Ｍ記坐捉一日等我哋去玩啦）
今日嘅行程有啲似喺台灣瑞芳到青桐咁玩嘅感覺，我哋都係喺呢條線度遊覽。首先講返拉士碧芝區(La Spezia)係咩嚟，啲人會叫呢度做五鄉鎮，亦因為呢度係由五個漁村組成嘅，所以有啲人會叫佢做五漁村。因為時間關係，我哋唔可以去晒五個鎮，導遊為我哋揀咗三個最值得去嘅漁村度遊覽。
首先我哋係要去第四個站嘅Vernazza，呢個時候仲係落住雨，落咗火車之後，當地導遊就略略講解一下同埋話比我哋之因間喺呢個位置集合，然後就帶住我哋去海邊。
到咗海邊，導遊又再講下呢度嘅歷史，咁啱佢完嘅時候就停咗雨啦，之後就自由活動大約半小時。
呢個鎮感覺唔係好大，可能佢只係比我哋行咗一邊，唔知另一邊係點，不過真係感受到好歐洲風味，如果晴天嘅話，呢度一定更靚！
之後就要返去集合，再坐火車去第五個站Monterosso了。
返回 意大利十天鴨仔旅 - 行程目錄
沒有留言:
張貼留言
如欲從電郵收取此篇網誌的留言回覆通知，請按「發佈」右則的「通知我」，謝謝！